Room in Naga

Mag-ingat kayo sa pinapa-upahan na ito. Nangyari na ito way back 2022, pero may nakita ulit akong post ngayon tungkol sa masamang experience nila sa lugar na ito. Hanggang ngayon, may naka-post pa rin sa karinderya na “Bed Space – Male Only.” Doon ka kakausapin ng mag-asawa. Sa una, maayos at mabait naman sila. Sasabihin nila na 1 month advance at 1 month deposit, at paulit-ulit nilang binabanggit na “no refund” at kailangan ma-consume. Pag nakapagbayad ka na, saka mo malalaman na hindi pala doon ang tirahan—nasa unahan pa, sa San Francisco Street. Pagdating namin, walang tao. Nasa work daw. Medyo okay naman sana, pero madilim kasi patay ang ilaw. Kinagabihan, pag-uwi ko, binuksan ko ang ilaw sa sala dahil madilim. Doon ko lang nalaman na nandoon pala ang anak nila. Bigla niya akong pinagmumura. Nag-sorry na lang ako kasi hindi ko alam. Pag-akyat ko, nag-aayos ako ng gamit ko, may nalaglag na hanger. Bigla na namang nagdadabog sa baba—kung anu-ano ang binabato at pinapalayas ako kahit gabi na, habang pinagmumura ulit. Kinabukasan, may bagong boarder. Ganun din ang nangyari sa kanya—pinagmumura dahil tumunog daw ang gate at nagbukas siya ng ilaw sa baba. Nang gumamit siya ng flashlight sa phone niya, pinagmumura ulit siya kasi nasisilaw daw at hindi makatulog. Hindi umabot ng isang linggo yung kasama ko—umalis agad at hindi na kinuha ang deposit. Ako, nagtiis pa ng ilang araw pero umalis din dahil sobrang hirap pakisamahan. Parang sinasadya na walang tumagal na tenant. Nang umalis ako, inabangan pa nila ako. Isa-isang chineck lahat ng gamit ko, at nagpasama pa ng witness para siguraduhin na wala akong kinuha. Wala naman naging issue. Kinausap ako ng isang tao doon at sinabi na buti pa raw ako, tumagal pa ng ilang araw—kasi wala talagang nagtatagal doon. Alam daw ng magulang ang ugali ng anak nila, pero tuloy pa rin ang pagpapaupa—parang instant income lang. Imagine, 8k para sa halos isang linggo lang. Ipinagdasal ko na lang sila, pero sana wala nang ibang mabiktima.